دلوقت بس اقدر اتكلم ....
رغم اني مش بتابع الكورة وبصراحه مش بفهم فيها اوي
لكن لأول مرة شدني اني افهم في ايه
وعرفت ان مصر هتلعب مع البرازيل وايطاليا وامريكا
فقررت اني ما اعلق
الا بعد نتيجة ماتش مصر مع امريكا
اتكلم بقي بما إن النتيجة ظهرت
وبصراحه عرفت النتيجه من عنوان اضحكني جداً جداً
هل امريكا اغتالت احلام الفراعنه فقط؟
وهل كان اغتيال الاحلام في (دخول اجوان ) في شبكة مرماهم ؟
للأسف أمريكا اغتالت احلام أمة بأكملها
أحلام
اطفال صغيرة وشباب طموحه ورجال مجتهده
أمريكا تغتال أعمارنا وسعادتنا وفرحتنا وكل شئ تحت شعار القوي العظمي في العالم
عذراً ليا سؤال ؟؟؟ من خلاها عظمي..
احنا الي خليناها كده وعظمناها
وأقول وقول
العظمة لله
سؤال سألته لكل الشغوفين ان مصر تكسب أمريكا
ويقولك الماتش ده بالذات
اشمعني
و
ليه؟؟؟
دة بالذات
يقول لان مصر لازم تكسب أمريكا
أقول يعني معترف إن امريكا عدو
طيب ليه قبلت دخولها بلدك وليه خليتها تدخل في شؤونك وليه بتشتري بضايعها وليه بتقلدها
وليه دايما تقول بانبهار أمريكا فيها كدا....
كلام الناس خلاني استغرب لما احنا عارفين ان لينا عدو ليه نلاعبه علشان يهزمنا
ونقول يااااااااااااااه أمريكا هزمتنا
ولا أمريكا أقوي ونحس بضعفنا
ولا علشان نقول خياااااااااااانه
ولا علشان مصر كعادتها مبتكملش اي طريق صح مشيته
كان لازم نستعد قبل منخطو الخطوه دي مش بتمارين رياضيه
لا
بصحه نفسيه وايمانيه وقوه علميه و جسديه
ونزينها بقوه دوله وجيش تخاف من دبة رجله (القوة الوهمية)
ياناس النصر مش بالكورة ولا هي دي البدايه
من امتي فريق الكوره يحرر بلد ولا بيرد كرامه
دي كرامة الدوله في جيشها وقوتها وشعب عارف غلاوتها
لكن احنا لا جيش ولا قوة وشعب لا حول له ولا قوه
خلينا ديما نفكر صح وبدل منزعل اننا مكسبناش ماتش
نقول احنا ليه راحت مننا القدس
بدل منقول ليه الكورة مدخلتش المرمى
نقول ليه امريكا دخلت دارنا
فوق ياعرب دا الخير هو صلاحنا
وقرأن وسنة هما طريقنا
ونقول
ربي هو الي لا حول لنا الا به ولا قوة
وبإيمانا وبقدرته تتحرر كل أوطانا
وهنبقي القوة
4 صوت حر:
سيدي..أتفق معك أن أمريكا ليست فقط هي ذاك الفريق الذي نواجهه على البساط الأخضر, وأن الفوز في الكرة لا هو النصر الحقيقي ولا هو حتى بدايته..
ولكن كي نكون أكثر عدلا فلنهنئ من اجتهد, ففوز الفريق -ان حدث- لا يجب أن يشغلنا عن النصر الحقيقي ولكن أيضا لا يجب أن ينظر إليه على أنه لا قيمة له..
أعلم جيدا أننا نظهر فرحا في نصر الكرة لأننا افتقدنا النصر في غيره, وكذلك نظهر حزنا في الهزيمة..لكن هكذا هي الحياة, فالكرة بأي حال من الأحوال لا تمثل مشكلة, المشكلة الحقيقية في النفوس الضعيفة التي اكتفت بفوز (أو بأمل في فوز) في مباراة كرة قدم..
تحياتي..
نورتي المدونه (محاولة كسر الصمت )لكني لم اسفه الكورة ومحبيها ومشجعيها والمتفوقين فيها لكن كان حديثي عن ماتش مصر وامريكا ولم كل هذا الحرص وما دمنا معترفين بالعداء لم الخضوع ...
واقول في حالنا هذا فانه ليس وقت القول بأن نجاحانا بالكورة سيعد نصر لأننا أبعد ما يكون عن هذه الكلمه وليس هذا هو النصر
ولكنه سيكون نصراً وفرحا حينما يؤازرة نصر حقيقي
وتحرير أوطاننا...
وصدقتي بقولك أن شعبنا يظهر فرحه في نصر الكرة لأنه يفتقد النصر...
والأكيد ان قد زادني حزنا اننا لم نفوز فهو شعور غير ارادي لأي مصري يحب بلده تتفوق في كل شئ واي شئ
تحياتي لحضرتك كتير وشرفتيني جداً
اتمنى الشهاده
اولا بشكرك جدا على زيارتك لمدونتى وعلى نصايحك الجميله بجد
اما موضوع الكوورة ده يطول شرحه انا معاك فعلا فى ان كرامة البلد فى قوة جيشها وايمانها بالله بس انا شايفه النجاح فى اى شىء حتى لو كانت الكوورة فده نصر وعلى فكره لما بنشوف ماتش مش بيكون التفكير منصب على الخساره والنجاح اد ما بتعلم منهم الاصرار اكتر حاجه بتعجبنى فى الماتشات هى ان يكون ليك هدف وانك بتحاول بكل الطرق انك توصله
بجد تابع بس الماتشات وهتلاقى فيها حاجات حلوة اما موضوع الفوز والخساره فده كله بامر الله
وحكاية التعامل مع امريكا فللاسف ده مش بايدينا ده سياسات عليا طب التعامل مع امريكا وقلنا ماشى لكن التعامل مع اسرائيل ده اللى مش عادى خالص وبصراحه حاسه ان احنا سبب فى الاعتراف بيها كدوله بس هنقول ايه غير سياسات عليا
نورتيني بجد استاذه وكيلة نيابة باذن الله والحمد لله انك خرجتي بالف سلامه من حالة الإكتئاب ونسأل الله ان يبعد عنك اي شر ...
بالنسبه للكورة فعلا هي رياضه مفيده لكن مشكلتي ما بلاقي وقت كافي للمتابعه لكن بحاول باذن الله واكيد كان يفرحني إن مصر تكسب اي حد لانها بلدي ويارب ديما تتقدم بس ربنا يكفيها شر السياسات العليا...
أما بالنسبه للتعامل مع امريكا وقلنا ماشي انما اسرائيل... فأمريكا وإسرائيل عدو واحد كيان واحد في دولتين إحداهما (امريكا ) العقل المدبر والمورد المالي وإسرائيل غي الجناح العسكري والقوه مع العلم ان الإثنين اصبحوا قوه عسكريه والدليل الواضح جدا ان كلاما يسعي لتحقيق الأمل والهدف (من النيل الي الفرات ) واعتقد ده وضح جدا في دخول امريكا العراق كفانا تفرقه بينهما نحن العرب الوحيد من يزال يفرق بينهما مع اعتراف العالم وانفسهم انهم مع اسرائيل...
فكيف بالعرب يستنجدون بالباغي والمحتل...
نورتيني جداً جداً...
إرسال تعليق